Ahmedabad acid attack case mein court ka kara faisla

Ahmedabad city sessions court ke judge S.R. Sangani ne Mahjabeenbanu Chhuwara ko AMTS employee par acid fekne ka doshi paya. Court ne use 10 saal ki kathor kaid aur 1 lakh rupee jurmane ki saza sunai. Sarkari vakil Vijay Singh Chawda ne 8 gawah aur 15 dastaveji saboot pesh kiye the.

Peedit AMTS mein kaam karta tha. Karib paanch saal pehle uski mulaqat Mahjabeenbanu se hui thi. Peedit pehle se shaadi-shuda tha. Jab parivar ko love affair ka pata chala to usne ladki ko chhod diya. Mahila burqa pehenkar AMTS office pahunchi. Dono ke beech rishta khatam karne ko lekar vivad hua. Mahila ne peedit ke saath maarpeet ki aur phir acid fek diya. Acid attack mein peedit ki aankh, peeth aur guptang jal gaye. Ilaj ke baad bhi aankhon ki roshni par sthayi asar pada.

FSL report mein peedit ke kapdon aur ghatnasthal se acid ke nishan mile. Bachav paksh ne kaha ki mahila burqa mein thi, isliye pehchan pakki nahi. Unhone yeh bhi kaha ki aaropi ke mobile ki location ghatnasthal par nahi mili. Lekin court ne gawahon ke bayan aur vaigyanik saboot ko sahi maante hue Mahjabeenbanu ko doshi karar diya.

Janmejay Chaturvedi