Bigg Boss 18: Is Contestant ke Khilaaf Members Ne Dikhayi Nafrat, Kya Show Se Bahar Karne Mein Honge Kaamyaab?
FIRST NOMINATIONS
Bigg Boss season 18 ka aagaz 6 October ko hua. Is season mein makers ne kaafi kuch badalne ki koshish ki hai. Pehle hi din show ko top 2 finalists mil gaye, toh wahin Bigg Boss ne kaafi contestants ka future bhi predict kar diya. Iss beech contestants ne apne dil ki baat batate hue kaha ki pehle hi din unhe kaun pasand nahi aaya.
Bigg Boss ka 18th season television par on-air ho chuka hai. Salman Khan ke is controversial show mein is baar 16 nahi, balki 18 contestants dikhayi de rahe hain.
Kaun sa Contestant Gharwalon ko Nahi Aaya Pasand?
Premiere episode ke agle hi din jahaan Chum-Shehzada, Rajat Dalal aur Tajinder Singh Bagga ke beech tu-tu, main-main ho gayi, wahin doosri taraf kaafi contestants ne apne dil ki baat khul kar samne rakhi. Unhone bataya ki unhe kaunsa contestant bilkul pasand nahi aaya.
Is baar ke contestants mein Naira Banerjee, Avinash Mishra, Shehzada Dhami, Tajinder Singh Bagga, Alice Kaushik, Vakil Gunaratna aur viral bhabhi Hema ke naam shamil hain. Pehle hi din Sara Afreen Khan ne sabhi contestants ko ek jagah bitha kar unse poocha ki kaunsa contestant unhe bilkul pasand nahi aaya. Kisi ne Rajat ka naam liya, toh kisi ne Gunaratna ka, lekin sabse zyada jo nishane par aaye, woh the Vivian Dsena. Madhubala actor na sirf is season ke sabse charchit contestants hain, balki Bigg Boss ne aate hi unhe top 2 finalists mein declare kar diya hai. Lekin ab woh kaafi gharwalon ki aankhon mein khatakte nazar aa rahe hain.
Vivian Ne Apne Baare Mein Kya Kaha?
Vivian ko dislike karne waalon ki list mein sabse upar Tamil actress aur comedian Shrutika ka naam hai, jinko Vivian ka behavior bilkul pasand nahi aaya. Shrutika ne unka naam lene ke baad unse baat ki aur pucha ki woh itna kam kyun bolte hain. Is par Vivian ne tapak se jawab diya ki "Meri parvarish aisi hi hui hai, main faltu ke muddon mein nahi bolta hoon, lekin meri ek dusri side bhi hai, jo kaafi kharab hai. Main pehle cheezein pyaar se handle karne ki koshish karta hoon, lekin agar koi mujhe zabardasti poke karta hai, toh fir mera dusra side bahar aata hai."
