Deepika Padukone Hospital Mein Nazar Aayi: Fans Hue Khushkhabri Ke Liye Excited!
Deepika Ki Delivery Ka Samay Aaya, Fans Kar Rahe Hain Intezaar
Bollywood ki mashhoor actress Deepika Padukone apni pregnancy ke final phase mein hain aur ab unhe hospital mein dekha gaya hai. Social media par unka ek video viral ho raha hai jisme unki car Mumbai ke H N Reliance Foundation Hospital mein enter karti hui dikh rahi hai. Deepika ke fans kaafi excited ho gaye hain aur sabhi ko bas ab khushkhabri ka intezaar hai.
Deepika Ki Delivery Ka Samay Aaya, Fans Kar Rahe Hain Intezaar
February mein Deepika Padukone ne announce kiya tha ki wo apne pehle bacche ko September mein janam dene wali hain. Uske baad se kai baar unka baby bump flaunt karte hue photos aur videos viral huye the. Apni pregnancy journey ko Deepika ne puri tarah enjoy kiya. Aur ab jab unki delivery ka waqt aagaya hai, toh fans beinteha excited hain.
Hospital ke bahar wale video mein dekha jaa sakta hai ki ek aur car mein Ranveer Singh ke family members bhi hospital mein enter karte dikh rahe hain, jo khushkhabri ke aasaar aur badha rahe hain.
Ranveer Aur Deepika Pahuchhe The Siddhivinayak Mandir
Isse pehle, 6 September ko, Deepika aur Ranveer ko Siddhivinayak Mandir mein dekha gaya tha. Yeh dono apne parenthood ke safar se pehle Ganpati Bappa ka aashirwad lene gaye the. Dono ne ek doosre ka haath thaame hue photos click karvayi, jo jaldi hi social media par viral ho gayi thi. 2018 mein shaadi ke baad, ab 6 saal baad yeh couple maa-baap banne wale hain.
Ab sabhi ko bas ek hi cheez ka intezaar hai — Deepika aur Ranveer se jaldi hi khushkhabri sunne ka!
