Natasa Stankovic ne Bigg Boss 18 ke Offer ko Reject kiya, ye rahi wajah!
Jaisa ki har baar hota hai, show ko host karenge Salman Khan, aur iska premiere 5 October ko hone wala hai.
Natasa Stankovic Rejected Bigg Boss 18: Ab tak jo khabrein aa rahi thi uske mutabiq, Bigg Boss 18 ke makers ne actress Natasa Stankovic ko show ka hissa banne ka offer diya tha. Lekin, ab reports kehte hain ki Natasa ne ek jhatke me is offer ko reject kar diya. Aakhir aisa kyun kiya, is report me janiye!
Natasa Stankovic, jo filhal apni personal aur professional life dono ko lekar headlines me bani hui hain, unhone Bigg Boss ke ghar me jane se saaf mana kar diya hai. August ke mahine me Natasa aur Indian cricketer Hardik Pandya ne apni 4 saal purani shaadi ko todne ka faisla karte hue divorce le liya tha. In sab controversies ke beech, Bigg Boss ke makers ne Natasa ko show ka offer diya, lekin reports ke mutabiq, Natasa ne ye offer reject kar diya.
Isliye Natasa ne kiya Bigg Boss 18 reject!
Bigg Boss Khbari ke according, Natasa ka ye offer reject karne ka main reason unka beta Agastya hai, jo abhi chhota hai aur Natasa uspar zyada dhyan dena chahti hain. Halanki, ab tak Natasa ya Bigg Boss makers ki taraf se ispar koi official statement nahi aaya hai.
Bata dein, Natasa pehle bhi Bigg Boss season 8 ka hissa reh chuki hain, lekin wo tab ghar me sirf kuch hi dinon tak rahi thi aur jaldi eliminate ho gayi thi.
Ab tak Bigg Boss 18 ke makers ne sirf Natasa hi nahi, balki Shiny Ahuja, Karan Patel, Esha Koppikar, Shoaib Ibrahim, aur Dheeraj Dhoopar jaise actors ko bhi approach kiya hai. Jaisa ki har baar hota hai, show ko host karenge Salman Khan, aur iska premiere 5 October ko hone wala hai. Ab dekhna hoga kaun kaun se celebs show ka hissa banenge!
