Ranbir Kapoor Birthday: Papa ki ungli pakad tabede me ghoomti dikhi Raha, Alia ne birthday bash ki dikhayi jhalak
Khoobsurat yaadon se bhari photo series
Ranbir Kapoor ke birthday par Neetu Kapoor aur Riddhima Kapoor ke baad Alia Bhatt ne bhi social media par post share karke apne pati ko birthday wishes di hain. Alia ne ek khoobsurat yaadon se bhari photo series ke saath fans ko Ranbir aur unki ladli beti ke beech ka pyara bond dikhaya hai. Dekhiye Alia Bhatt ka dil choo lene wala post.
Ranbir Kapoor ke birthday par Alia ne fans ka dil jeet liya
Bollywood ke handsome hunk Ranbir Kapoor, jo lakhon-krodo dilon par raaj karte hain, lekin social media par active nahi hain. Unka koi social media account nahi hai, lekin unse judi khoobsurat yaadein aksar Alia Bhatt apne fans ke saath share karti hain. Social media par active rehne wali Alia Bhatt aksar Ranbir ke saath ki pictures aur moments share karke unke fans ka din bana deti hain.
Haal hi me, Jigra actress Alia Bhatt ne apne pati aur unki ladli beti Raha ki unseen photos share ki hain jo fans ka dil chura rahi hain.
42 saal ke hue Ranbir Kapoor
28 September 2024 ko Ranbir Kapoor apna 42va birthday mana rahe hain. Is khaas din ko unhone apni biwi Alia aur beti Raha ke saath celebrate kiya, jinki jhalak Alia ne apne Instagram par dikhayi hai.
Papa-beti ka bond: Peed ko hug karte hue dikhayi diye
Alia Bhatt ne Instagram par Ranbir ki kuch khoobsurat tasveeren share ki hain. Pehli photo me Ranbir, Alia aur Raha ek peed ko hug karte nazar aa rahe hain. Alia ne apni aankhein band ki hui hain, jabki Ranbir apni princess ko pyaar se dekh rahe hain. Raha ki nazar to seedha camera par hi hai.
Tabede me ghoomi Raha
Dusri photo Disneyland ki hai, jaha nannhi Raha apne papa ki god me bethi Disneyland ka maza le rahi hai. Ek aur tasveer me Alia, Ranbir ki god me bethi hasi se lotpot ho rahi hain. Teesri tasveer me Raha apne papa ke saath tabede me ghoade ko dekh rahi hai.
Alia ne dikhayi pyaari jhalak
Ek aur tasveer me Alia ne coffee aur birthday card ke saath balloons dikhaye hain, jinpar "Happy Birthday Ranbir" likha hua hai. In photos ko share karte hue Alia ne caption me likha, "Kabhi-kabhi bas ek bade se hug ki zarurat hoti hai taaki aap zindagi ko mehsoos kar sakein. Happy Birthday baby."
Is post par Arjun Kapoor se lekar Neetu Kapoor tak sabne apni pasandgi dikhayi hai.
