"Khatron Ke Khiladi 14: Abhishek Kumar Hits Back at Shilpa Shinde – Show Mai Shilpa Ko Kyu Diya Ja Raha Hai Favour?"
Shilpa Shinde vs Abhishek Kumar: Kaun Hai Asli Weak Contestant?
Khatron Ke Khiladi 14 ka safar aadha poora ho chuka hai, lekin drama abhi bhi charmon par hai. Is hafte ka promo dekh kar lagta hai ki Shilpa Shinde aur Abhishek Kumar ke beech ek aur zabardast tange-war hone wali hai. Shilpa ne Abhishek ko show ka "weakest" contestant kaha, aur Abhishek ne uska jawab kaafi hi savage andaaz mein diya.
Shilpa Shinde vs Abhishek Kumar: Kaun Hai Asli Weak Contestant?
Rohit Shetty ne Shilpa Shinde se poocha ki unke hisaab se show ka sabse weak contestant kaun hai. Bina kisi hichkichahat ke, Shilpa ne Abhishek Kumar ka naam le diya, jo sun kar Abhishek ko kaafi bura laga. Jab Abhishek ne apni performance ko defend kiya, toh Shilpa ne kaha ki uski jeet sirf uski kismat ka nateeja hai, yaani ek tukka lag gaya.
Abhishek bhi chup rehne walon me se nahi hai. Usne turant Shilpa ko yaad dilaya ki jab tak usne ek bhi baar elimination ka samna nahi kiya, tab tak Shilpa ko do-do baar eliminate ho kar wapas laaya gaya. "Mai do-do baar eliminate nahi hua," usne kaha, ekdum stern tone mein.
Shilpa Shinde Ko Kya Show Mai Favour Diya Ja Raha Hai?
Isse pehle bhi, ek episode mein Shilpa ne kaha tha ki Abhishek ki jeet sirf uski kismat ki wajah se hui. Shilpa ka kehna tha, "Ye sirf kismat ka khel hai, tukka lag gaya iska." Iske jawab mein Abhishek ne kaha, "Konsa tukka lag gaya? Aap se nahi hua toh iska matlab tukka lag gaya?"
Iske alawa, Shilpa Shinde ko ek twist ke wajah se elimination se bacha liya gaya. Ek stunt ke dauran, jab Shilpa, Karan Veer Mehra aur Sumona Chakravarti danger zone mein the, tab Shilpa ne stunt ko abort kar diya. Rohit Shetty bhi Shilpa ke performance se naraaz dikhai diye, aur Shilpa ne bhi mana ki usse show se eliminate ho jana chahiye tha. Lekin "no elimination" twist ke wajah se, Shilpa show mein bani rahi.
Pehle Bhi Hui Thi Shilpa Ki Elimination, Phir Kyu Laayi Gayi Wapas?
Yeh pehli baar nahi tha jab Shilpa ko show se nikaala gaya. Pehli elimination mein, Shilpa Shinde, Sumona Chakravarti aur Aditi Sharma ke against stunt kar rahi thi, jisme Sumona aur Aditi ne Shilpa se behtar perform kiya aur Shilpa ko show se nikaal diya gaya. Lekin kuch hi hafte baad, Shilpa aur Krishna Shroff ko wildcard entry ke zariye wapas show mein le aaya gaya.
Yeh sab dekh kar audience ko yeh lag raha hai ki Shilpa Shinde ko show mein kuch zyada hi favour diya ja raha hai. Kya aapko bhi aisa lagta hai ki Shilpa ke liye show ke rules thode soft ho rahe hai? Comments mein apni rai zaroor dein!
